Германското министерство за надворешни работи кажа дека Унгарија предизвикала голема штета во 12-те дена откако го презеде ротирачкото претседавање со ЕУ. Заменик-портпаролот на владата Волфганг Бухнер ги нарече посетите на унгарскиот премиер Виктор Орбан на Москва и Пекинг „соло унгарски напори кои ги набљудуваме со големо чудење и скептицизам“.

Тој рече дека Орбан дејствувал лично, а не како претставник на ЕУ.

„Ќе видиме како ќе продолжи унгарското претседателство со ЕУ. Сега сме на 12. ден и тоа веќе предизвика многу штета“, изјави Бухнер.

Тој додаде дека Орбан има право да патува каде сака.

„Она што не е прифатливо е што тој патува низ светот со впечаток дека тоа го прави во име на другите. И сигурно ќе има дополнителна дискусија за тоа како да се справиме со ова“, додаде Бухнер.

Пред самитот на НАТО во Вашингтон оваа недела, Орбан се сретна со Владимир Путин во Москва и со кинескиот лидер Шји Џинпинг во Пекинг, а потоа и со Доналд Трамп во Флорида. Орбан ја опиша својата турнеја како мировна мисија, нагласувајќи дека мир во Украина не може да се постигне од удобна фотелја во Брисел.