Во суд во Киев денеска ќе почне првото судење за воени злосторства откако почна руската инвазија на Украина. На обвинителната клупа е 21-годишниот Вадим Шишмарин, командант на тенковска единица, кој е обвинет за убиство на 62-годишен цивил.

Според обвинението, наредникот Шишмарин, кој се учестуваше во борбите околу градот Суми на североистокот од Украина, го убил цивилот на 28 февруари во селото Чупакивка.

Рускиот војник, кој е во притвор откако беше заробен од украинската војска, е обвинет дека пукал во цивилен автомобил откако неговиот конвој со воени возила се нашол под напад на украинските сили. Тој потоа го украл цивилното возило и со четири други војници се обидел да избега од украинските војници.

Шишмарин потоа убил невооружен човек, кој бил на велосипед и зборувал на телефон. Тој тврди дека имал наредба да го убие цивилот за да не ги пријави руските војници на украинската војска, според украинските обвинители.