ВО САД ПРВПАТ ОСУДЕН РОДИТЕЛ ЧИЕ ДЕТЕ ИЗВРШИЛО МАСОВНО ПУКАЊЕ ВО УЧИЛИШТЕ, МОЖЕ ДА ДОБИЕ ДЕСЕТИЦИ ГОДИНИ ЗАТВОР

    ВО САД ПРВПАТ ОСУДЕН РОДИТЕЛ ЧИЕ ДЕТЕ ИЗВРШИЛО МАСОВНО ПУКАЊЕ ВО УЧИЛИШТЕ, МОЖЕ ДА ДОБИЕ ДЕСЕТИЦИ ГОДИНИ ЗАТВОРЏенифер Крамбли му дозволила на својот син да има оружје и ги игнорирала предупредувачките знаци (Фото: Детроит прес)

    Жена од Мичиген е прогласена за виновна за ненамерно убиство зашто не успеала да го спречи својот син да изврши смртоносно пукање во училиште. Џенифер Крамбли (45) со тоа стана првиот родител во САД осуден за убиство и масовно пукање извршени од негово дете.

    Обвинителите кажаа дека таа небрежно му дозволила на својот син да има оружје и ги игнорирала предупредувачките знаци. На нејзиниот сопруг Џејмс ќе му се суди на одделно судење.

    Нивниот 17-годишен син служи доживотна казна затвор за убиството на четворица ученици во средното училиште во Оксфорд извршено на 30 ноември 2021. Во пукањето се ранети уште седуммина луѓе.

    Крамбли беше прогласена за виновна за четири точки од обвинението за ненамерно убиство, при што за секоја од нив може да добие до 15 години затвор.

    Главното прашање на судењето беше дали мајката може да предвиди и спречи смртоносно пукање. Џенифер и Џејмс Крамбли му купиле пиштол на својот син само неколку дена пред пукањето. Тие повеќе од две години беа затвор без право на условна слобода.

    Утрото кога се случи пукањето, родителите го прекинале училишниот состанок за вознемирувачкиот цртеж што го направил нивниот 15-годишен син за да одат на работа и одбиле да го одведат дома. Притоа не му бил проверен ранецот, во кој го носел пиштолот, со кој неколку часа подоцна уби четири деца на возраст од 14 до 17 години.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира