ВОЗ ИЗЛЕТА ОД ШИНИ И ПАДНА НА АВТОПАТ ВО САД, ИМА ЗАГИНАТИ

    ВОЗ ИЗЛЕТА ОД ШИНИ И ПАДНА НА АВТОПАТ ВО САД, ИМА ЗАГИНАТИТрагедијата се случи на првиот ден од користењето на новата, пократка железничка линија меѓу Такома и Олимпија (Фото: Си-Ен-Ен)

    Воз на американската компанија „Амтрак“ излета од шини и падна на автопат во сојузната држава Вашингтон и властите соопштија дека има загинати.

    Трагедијата се случи на првиот ден од користењето на новата, пократка железничка линија меѓу Такома и Олимпија. Возот тргнал од Сиетл, а излетал јужно од Портланд, во близина на градот Дупонт. При излетувањето, неколку возила на автопатот останале заглавени под вагоните, но портпаролот на шерифот на округот Пирс, Ед Тројер, изјави дека нема мртви меѓу возачите.

    „Сите загинати биле во возот. Има неколку загинати, но точната бројка сѐ уште ја немаме. Сцените се ужасни“, кажа Тројер.

    Во моментот на несреќата, во возот имало 78 патници и пет члена на екипажот. Властите изјавија дека 77 луѓе се примени во болница.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира