Министерот за здравство Арбен Таравари го поништи решението за нови референтни цени на лековите, според кое од утре требаше да се зголеми доплатата што ја плаќаат пациентите.
Ова решение ексминистерот за здравство Никола Тодоров го потпишал на 30 мај, еден ден пред заминување од функцијата.

„Одлучив да преземам конкретни мерки за поништување на ова решение за кое управниот одбор на Фондот за здравство донел одлука на 26 мај годинава, а одлуката е излезена во службен весник на 9 јуни. Донесов одлука за поништување, бидејќи ќе удреше по џебот на пациентите”, рече Таравари на денешната прес-конференција.