Хоуп Соло сака да се обезбеди против вирусот Зика на Олимпијада во Рио, носејќи со себе огромно количество средства против комарци и заштитна маска.
Хоуп Соло се надева дека во Рио ќе го освои третиот олимписки златен медал
Американската фудбалерка се подготвува со соиграчите од националниот тим за Игрите, кои почнуваат на 5 август, и се надева дека уште еднаш ќе се врати со златен медал. Сепак, 34-годишната голманка не сака да ризикува, кога е во прашање вирусот распространет низ Бразил и може да предизвика вродени маани кај бебињата, ако биде пренесен од заразена мајка.
Соло на Твитер го покажа импресивниот арсенал за борба против Зика и напиша: „Ако некој во (олимпиското) село заборавил да спакува средство против инсекти, нека дојде кај мене… #МинистерствоЗаОдбрана #ОтпорноНаЗика“. Таа, исто така, објави самослик како носи марама на лицето и заштитна маска со огромно шише со средство против инсекти.
If anyone in the village forgets to pack repellent, come and see me…#DeptOfDefense #zikaproof pic.twitter.com/x8RdUV6M7c
— Hope Solo (@hopesolo) July 22, 2016
Соло првин беше против одење на Олимписките игри во Рио, но во мај се предомисли и кажа дека ќе оди во Бразил, но дека, најверојатно, нема да излегува од хотелската соба, освен за тренинзи и натпревари.
За разлика од другите спортови, фудбалерите ќе патуваат низ Бразил за натпреварите од Олимписките игри и нема да престојуваат само во Рио де Жаниеро.
Коментари