Самоубиствениот бомбашки напад во турскиот град Газиантеп во кој загинаа над 50 луѓе бил извршен од дете на возраст помеѓу 12 и 14 години, соопшти турскиот претседател Реџеп Тајип Ердоган.
Ердоган кажа дека зад нападот стои Исламска држава, која нападна курдска свадба. Во Газиантеп, град близу сириската граница, се верува дека има неколку ќелии на ИС.
Покрај 51 загинат, во експлозијата беа повредени уште 69 луѓе, од кои 17 посериозно. Во мај, бомбаш самоубиец на ИС уби двајца полицајци, исто така, во Газиантеп.