Осумнаесет нови случаи со коронавирус се регистрирани во изминатите 24 часа, објави Министерството за здравство. По градови новите случаи се од Скопје – 11, Прилеп – 4, Куманово – 2, Тетово – 1.
Со ова, вкупната бројка на дијагностицирани пациенти со КОВИД-19 денеска до 12.00 часот изнесува 219 лица, од кои три лица се излечени, а три починаа.
Во Дебар, кој на 13 март беше ставен во целосна изолација поради тоа што беше прво жариште на вирусот, денеска не е регистриран нов случај.
Според местото на живеење, досега случаи на КОВИД-19 се регистрирани во: Скопје (134), Дебар (43), Куманово (17), Штип (8), Прилеп (6), Охрид (3), Велес (3), Кавадарци (2), Тетово (2) и Гостивар (1).
Б. НЕСТОРОСКА
