Украинската авиокомпанија „Виндроуз“ ќе воведе директни авионски линии од Киев до Скопје и Белград, откако претходно ги откажа плановите за поврзување со Љубљана поради коронамерките што моментално се на сила во Словенија.

Летовите кон Скопје ќе почнат на 6 декември и ќе бидат на распоредот двапати неделно, во четврток и недела.

„Виндроуз“ ќе овозможи Скопје и Киев за првпат да се поврзат со директна авионска линија. Летовите кон Белград и Скопје ќе се одвиваат со авиони од типот „АТР72-600“ и „ембраер Е145“, кои можат да примат 78, односно 49 патници. Компанијата веќе ги пушти во продажба картите за летот до Скопје.