Во придружба на сопругата Меланија, Доналд Трамп за последен пат излезе од Белата куќа, три и пол часа пред Џо Бајден да биде инаугуриран во нов претседател на САД.
Доналд Трамп со хеликоптер се упати кон воена воздушна база во Мериленд, каде што ќе му биде организирано официјално испраќање од функцијата, по што за последен пат ќе го искористи претседателскиот авион „Ер форс уан“, за да го превезе до неговата резиденција во Флорида. Тој претходно потврди дека нема да присуствува на инаугурацијата на Бајден, прекинувајќи традиција од 150 години.
Со една од своите последни одлуки како претседател на САД, тој денеска помилува 73 лица.