Специјалната јавна обвинителка Катица Јанева разговарала со Јоханес Хан за продолжување на мандатот на нејзиното обвинителство на денешната средба со Еврокомесарот за проширување и добрососедска политика.

„Со комесарот Јоханес Хан разговаравме за нашата досегашна работа и го информиравме за сите проблеми со кои се соочивме. Разговараме и за продолжувањето на нашиот мандат“, изјави Јанева по средбата со Хан.

На новинарското прашање за формирање специјално судско одделение, Jанева одговори дека за другите работи за кои било дискутирано на средбата ќе каже Хан подоцна на прес-конференција.

Предлогот за измена на Законот за СЈО за продолжување на мандатот на обвинителството, кој со актуелното законско решение е 18 месеци, не помина во парламентот минатата недела.

Претходно, Хан се сретна со претставници на невладините организации и со премиерот Емил Димитриев.