Eвропската комисија го усвои националниот дигитален ковид сертификат на Македонија што значи дека со ова се избегнуваат сите ограничувања во патувањата како што се дополнително тестирање или карантин, соопшти Министерството за здравство.

„Ние сме прва земја во регионот за која сертификатите за ковид-19 ќе се сметаат за еквивалентни на дигиталниот сертификат на ЕУ“, велат од Министерството.

Во пракса, носителите на овие сертификати ќе можат да ги користат под истите услови како и носителите на ЕУ дигиталниот сертификат за вакцинација.

Во неопходни случаи, како што е заштитата на јавното здравје, земјите членки можат да преземат дополнителни мерки.