На Скопскиот аеродром доцна во понеделник навечер пристигна првата група евакуирани бегалци од Авганистан. Станува збор за 149 граѓани на Авганистан, вработени во меѓународни институции, членови на нивни семејства и соработници.

Евакуираните бегалци слетаа од Тблиси. Грузија со авион од типот „боинг 767“ на компанијата Кам ер  а на Скопскиот аеродром ги пречека министерот за надворешни работи Бујар Османи.

Од Владата информираа дека станува збор за за граѓани кои билеа животно загрозени од талибанските структури и на кои нашата земја им помага да си го спасат животот.

„Тоа се граѓани кои 20 години работеа за демократските институции, мисии и меѓународни организации во Авганистан. Праќаме порака на топло добредојде, солидарност и поддршка. Кажуваме добредојде на граѓани кои се спасуваат од налетот на радикализмот, кои во изминативе 20 години го бранеа мирот и декомкратијата во Авганистан“, велат од Владата.

На аеродромот бегалците беа примени од екипи на Црвениот крст кои им доделија средства за лична хигиена, а Министерството за внатрешни работи ги изврши потребни безбедносни проверки. На сите лица им е издадена виза со важност од 90 дена.

Министерството за здравство за сите лица ќе обезбеди ПЦР тестови и вакцвини за оние кои сакаат да се имунизираат.

Бегалците ќе биде сместени во хотели во Скопје и околината, а трошоците за нив ќе ги покриваат меѓународните организации кои изминатиот период беа присутни во Авганистан и се вклучени во организација на евакуацијата.

А. АНТЕВСКА