Транспарент со натпис „Парите ќе ги вратиш” им бил одземен на активистите на Левица за време на полагањето цвеќе пред Споменикот на НОБ во Битола по повод Денот на ослободувањето.

Левичарите планираа транспарентот да го оптегнат додека битолскиот градоначалник полагаше цвеќе. Но, велат дека биле попречени од непознати лица кои им го зеле транспарентот. Тие се прашуваат чие обезбедување било тоа зашто не било општински.

Цвеќе на споменикот положија од локалната власт, политички партии и други чинители на општественото живеење. Сојузот на борци ја бојкотираше средбата со Талески зашто, како што рекоа, биле членови на Шарена револуција.