Најмалку 46 луѓе загинаа, а десетици се повредени во пожарот во кој изгоре 13-катна станбена зграда на Тајван. На пожарникарите им требале повеќе од четири часа за да го изгаснат пожарот во северниот град Каосиунг.

Седумдесет и девет луѓе се превезени во болница, од кои 14 се во сериозна состојба. Причината за пожарот засега не е позната.

Жители од околните згради изјавија дека пред да избувне пожарот слушнале нешто налик на експлозија, додавајќи дека во зградата имало проблеми со електрични инсталации.

Градоначалникот на Каосиунг, Чен Чи-ма, изјави дека зградата стара 40 години била делумно празна бидејќи на подолните катови порано се наоѓале ресторани, караоке барови и кино.