ЕУ, САД и сојузниците се согласија да исклучат одредени руски банки од главниот меѓународен платежен систем Свифт.

„Ова е со цел да се отсечат овие институции од меѓународните финансиски текови, што значително ќе ги ограничи нивните глобални операции“, кажа портпаролот на германската влада.

Русија го користи системот Свифт за нејзиниот извоз на нафта и гас.

Свифт е систем што овозможува безбедно и брзо прекугранично плаќање, овозможувајќи ја меѓународната трговија.

Руските банки опфатени со оваа мерка се истите кои веќе се санкционирани од меѓународната заедница, додаде портпаролот.

Урсула фон дер Лајен, претседателката на Европската комисија, кажа дека сојузниците ќе ја спречат Русија да ги користи девизните резерви, парализирајќи ги средствата на централната банка.

Таа додаде дека ќе се стави крај на т.н. „златни пасоши“ со кои богатите Руси со врски во руската влада стануваа граѓани на западните земји и добиваа пристап до нивните финансиски системи.

Ова е најновата рунда санкции за Русија по руската инвазија на Украина која почна пред три дена.