Украинската морнарица соопшти дека уништила голем руски воен брод во близина на пристанишниот град Бердјанск во југоисточниот регион Запорожје. Таа прецизираше дека станува збор за десантниот брод „Орск“.

Украинското министерство за одбрана објави фотографија на Фејсбук на која се гледаат пламен и голем облак од чад над пристаништето.

Бердјанск, кој се наоѓа 75 километри северозападно од Мариупол, е под контрола на руските сили од 27 февруари.