Спикерот на рускиот парламент Вјачеслав Володин изјави дека САД ги координираат воените операции во Украина, со што директно се вмешани во војната.

„Вашингтон ги координира и развива воените операции и со тоа директно учествува во воените акции против нашата земја“, напиша Володин на Телеграм.

САД и нивните сојузници ја снабдуваат Украина со тешко оружје за да се спротивстави на руската офанзива, која резултираше со окупација на источни и јужни делови од земјата. Американски функционери исто така признаа дека САД ја помагаат Украина со разузнавачки информации, но демантира дека тоа вклучува прецизно гаѓање мети.

Во исто време, САД и другите членки на НАТО јасно кажаа дека нема да учествуваат во борбите во Украина, со цел да се избегне поширок конфликт.

Володин вели дека странски советници работат во Украина уште од „државниот удар“, алудирајќи на изборот на Зеленски за претседател во 2019.