Полицајци во цивилка пукале во воздух откако се обиделе да приведат момче во Турското маало во Струмица. Инцидентот се случил околу 18 часот на улицата Бетовенова. Лицата пред момчето се претставиле дека се инспектори од МВР и по неколкуминутна расправија му ставиле лисици. Во тој момент, поголема толпа жители од Турското маало ги опколиле инспекторите кои испукале неколку куршуми во воздух. Момчето со лисици успеало да  избега и да се скрие зад толпата која не дозволувала да биде приведено.

Од МВР потврдуваат дека имало инцидент и дека инспектори биле нападнати на улицата Бетовенова во Струмица. Не конкретизираа дали и кој пукал со службените пиштоли. Според МВР, дел од нивните инспектори завршиле во струмичката болница со полесни повреди. Повеке информации најавија за утре