Кураторката Бојана Јанева со министерката Костадиновска-Стојчевска. министерот за внтарешни работи Оливер Спасовски и претседателот Стево Пендаровски. (Фото: К. Попов)

Со доделување благодарници на амбасадорите од земјите донатори по катастрофалниот земјотрес во Скопје пред 60 години, денеска во Музејот на соврема уметност (МСУ) се одржа еден од настаните во дводневното чествување на годишнината.

Благодарниците на претставниците на дипломатскиот кор им ги додели министерката за култура, Бисера Костадиновска-Стојчевска, која и ј отвори дигиталната изложба на „Подемот и падот на Скопје“.  Станува збор за изложба на Државниот архив, од материјал од фотообјективот на Киро Георгиевски, вработен во Градското собрание во 50-тите години на 20. век.

Благодарница доби и поранешниот градоначалник на Скопје, Петре Шилегов. – Со министерката Бисера Костадиновска-Стојчевска. (Фото: К. Попов)

Видеоматеријалот содржи над 300 фотографии и документи за денот на земјотресот и за сите случувања до крајот на годината – доаѓањето на армијата, обновата на градот со донации од југословенските републики и од целиот свет, деновите на солидарноста и сите официјални посети на државни претставници.

Според директорот на Архивот, Емил Крстеки, низ документите и фотографиите се наѕираат тажните факти за земјотресот кој за само дваесет секунди остави зад себе урнатини и одзеде многу човечки животи. (Фото: К. Попов)