Двата авиона „ер трактор“ за гасење пожар на отворено се вратија во Македонија по сервисирањето во Хрватска. Сега сите три авиони се подготвени да интервенираат по потреба.

„Вчера се врати едниот од двата авиона кој беше на сервис, а денес околу пладне слета и вториот. Со тоа, сите три се сервисирани и подготвени за интервенција“, соопшти информираа од Дирекцијата за заштита и спасување ( ДЗС).

Од ДЗС велат дека се подготвени за летото и потенцијалната опасност од пожари, а формирани се и дежурни екипи.

Според Центарот за управување со кризи (ЦУК), изминатото деноноќие во Македонија имало 19 пожари, сите на отворено и сите до доцна вечерта биле локализирани. Утрово нема активен пожар.

П. ПЕЧКОВ