Британската медицинска сестра Луси Летби денеска беше осудена на доживотен затвор за убиство на седум бебиња. 33-годишната Летби намерно им инјектирала воздух, со сила ги хранела со млеко и им ставала инсулин на бебињата.

Таа е осудена и за обид за убиство на уште шест други бебиња во болницата „Војвотката од Честер“ во северна Англија.

Летби е само четвртата жена во историјата на Велика Британија осудена на доживотен затвор.

При изрекување на казната во суд во Манчестер, судијата кажа дека таа била сурова и пресметана кога ги направила злоделата меѓу јуни 2015 и јуни 2016.