Со вода од браната „Мантово“ денеска се успеа да се локализира пожарот што вчера попладне избувна меѓу акумулацијатА и штипското село Пиперово. Во пожарот изгорела ниска и висока шума на површина од 15-20 хектари. Ако не била првичната интервенција на штипските и радовишките противопожарни единици и волонтерите од Општина Конче, пожарот ќе бил со многу поголеми размери и последици..

„Со координација на колегите од Радовиш и Конче делувавме брзо и ефикасно. Нашите екипи веднаш излегоа на терен, но кога пристигнавме видовме дека пожарот сериозно се шири во шумски непристапен терен од браната кон штипското село Пиперево во подножјето на Серта. По нашиот повик и комуникацијата со Центарот за управување со кризи (ЦУК) брзо стигна хеликоптер на МВР, кој на повеќе наврати со полнење вода од браната успеа да го локализира пожарот на непристапниот терен и не се дозволи да се прошири“, рекоа командирот на штипската протипожарна единица, Дарко Коцев и Директорот на ЦУК Стојанче Ангелов кој исто така пристигна кај Мантово.

Т. ЈОВАНОВСКИ