Неколку луѓе загинаа откако мал авион падна во камп населба во Клирвотер, Флорида. Шефот на противпожарната служба Скот Елерс изјави дека изгореле четири кампинг возила, при што авионот директно паднал на едно од нив.

„Можам да потврдам дека има неколкумина жртви, како од авионот, така и во кампот“, изјави Елерс, беа да ги каже точните бројки.

Нејасно е и колку луѓе имало во авионот.

Итните служби примиле повик за пожар во кампот набргу откако пилотот на авионот пријавил проблеми со моторот по полетувањето. Авионот од типот „бичкрафт бонанца“ исчезнал од радарот околу пет километри северно од аеродромот, на истата локација каде што се наоѓа кампот.

„Авионот удрил во еден мобилен дом, во останатите запалени кампинг возила нема жртви“, додаде Елерс.