Најмалку осум луѓе загинаа, а повеќе од 20 се ранети во голем руски воздушен напад врз централниот украински регион Днепар. Локалните власти кажаа дека се оштетени инфраструктурни објекти.

Украинскиот претседател Володимир Зеленски изјави дека се погодени и станбена висококатница и железничка станица во регионалниот главен град Днепар.

Државната железничка компанија „Укрзализница“ објави дека Русија намерно ја гаѓала нејзината инфраструктура во овој регион и дека се повредени шестмина работници.

Министерот за внатрешни работи Игор Клименко изјави дека засега е потврдено дека загинале осуммина луѓе, од кои двајца во градот Днепар.