Доктор Синиша Стојаноски е нов директор на Градската општа болница (ГОБ) „8 Септември“ во Скопје, соопшти Министерството за здравство. Д-р Стојаноски е доцент на Институтот за патолошка физиологија и нуклеарна медицина, а доаѓа на местото на д-р Христијан Костов, кој беше директор речиси седум години.
Оттаму додаваат дека министерот за здравство Арбен Таравари именувал уште неколку медицински директори на јавни здравстени установи: проф. д-р Огнен Костовски за директор на Клиниката за дигестивна хирургија, д-р Реџеп Мемеди за директор на Клиниката за детски болести и д-р Оливер Зафировски за Клиниката за пулмологија и алергологија.
