Министерството за здравство го објави телефонскиот број 072/899-001 на кој граѓаните ќе можат да пријават проблеми и сугестии за работата на здравствените институции и персоналот.
„Ова е директна врска меѓу граѓаните и министерот Арбен Таравари.
Споделете ги вашите предлози за здравствена заштита, пријавете неправилности, препознајте одлични лекари и предложете идеи за реформи преку нашата посебна телефонска линија.Исто така, граѓаните имаат можност и за лична комуникација со министерот за време на отворениот ден, секоја среда од 13:30 до 16 часот“, вели Министерството.
Концептот е насловен „Пријави кај министерот“, сличен на „Ало, Таравари“ кој тој го воведе кога беше министер во 2017.
