„Фолксваген“ ќе затвори најмалку три фабрики во Германија, ќе отпушти десетици илјади вработени и трајно ќе ги намали своите останати фабрики во Германија, со што најголемиот автопроизводител во Европа планира подлабок ремонт од очекуваното.

„Менаџментот е многу сериозен околу ова. Ова е планот на најголемата индустриска групација во Германија да започне распродажба во својата матична земја“, изјави Даниела Кавало, шефицата на работничкиот совет на „Фолксваген“, пред стотици вработени во Волфзбург.

Ова претставува големо заострување на односите помеѓу работниците на „Фолксваген“ и менаџментот, кој е под сериозен притисок да ги намали трошоците за да може да остане конкурентен среде намалената побарувачка од Европа и Кина.

Кавало рече дека има договор помеѓу двете страни во врска со природата на проблемите со кои се соочуваат „Фолксваген“ и многу негови европски ривали.

„Не се разликуваме многу во анализата на проблемите, но сме километри разделени во одговорот на нив“, кажа Кавало.

„Фолксваген“ има десет фабрики во Германија, кои вработуваат 300.000 луѓе.

„Сите фабрики се погодени од овие планови. Ниедна не е безбедна“, кажа Кавало.