Полицијата го уапси Ф. А. (35) од Куманово, под сомнение дека ги предизвикал пожарите во деловниот простор и на три автомобили во Куманово. Во пожарот изгоре канцеларијата на Фитор Јакупи, советникот на ДУИ во Советот на Општина Куманово, и автомобилот на обвинителот Џелал Бајрами.
Тој бил пронајден на подрачјето на Бит Пазар во Скопје, откако претходно биле добиени оперативни информации, па во координација на СВР Куманово со Одделот за криминалистичка полиција при Бирото за јавна безбедност и СВР Скопје, полициски службеници од Единицата за интервентна полиција при СВР Скопје го уапсиле.
„Ф. А. (35) од Куманово се сомничи дека на 2 декември во Куманово опожарил три патнички моторни возила и еден деловен објект. Ф. А. бил приведен и задржан во Полициска станица Куманово и по целосно документирање на случајот против него ќе следува соодветна пријава“, соопшти СВР Куманово.
С. НИКОЛИЌ
