Две лица се убиени во напад со нож во јужниот германски град Ашафенбург близу Франкфурт. Напаѓачот е уапсен откако се обидел да избега, а мотивот не е познат.

Нападот се случи во парк близу центарот на градот и полицијата кажа дека веќе нема опасност за јавноста.

Весникот „Билд“ објави дека  жртвите се двегодишно дете и 41-годишен маж.

Безбедноста на јавните места е важна тема во пресрет на вонредните парламентарни избори во Германија на 23 февруари. Шестмина луѓе починаа, а речиси 300 беа повредени откако автомобил влета во божиќен пазар во Магдебург минатиот месец.