81-годишен маж во Баварија се обидел да ја ослободи својата сопруга од полициски притвор, откако таа одбила да ја напушти стоматолошката ординација, соопштија властите. Полицијата била повикана во ординацијата вчера попладне во градот Халштат, откако 71-годишната жена одбила да ја напушти и покрај тоа што немала закажан термин.

Полицајците рекоа дека таа се обидела насилно да влезе во ординацијата и се спротивставила кога сакале да ја отстранат, при што ја навредувала полицајката. Жената била врзана со лисици и изнесена од стоматолошката ординација. Нејзиниот сопруг интервенирал во обид да ја ослободи, но не успеал, соопшти полицијата.

Парот подоцна се смирил и му било дозволено да се врати дома. Нема информации за повредени. Полицијата сега води истрага против двајцата за различни прекршоци.