Бизнисменот Томица Главчев е избран за нов претседател на Кошаркарската федерација на Северна Македоонија на денешното вонредно собрание, што се одржа во Скопје. Клубовите претходно едногласно го разрешија Перо Антиќ, кој ја водеше македонската кошарка во изминатите шест години и замина на половина од вториот мандат.

Главчев беше единствениот кандидат за претседателската функција и претходно доби поддршка и од самиот Антиќ. Тој е бизнисмен од Гевгелија и долги години вложува во македонската кошарка.

На собранието учествуваа 39 клубови и Главчев доби поддршка од сите.