Kомпозиторот Филип Иванов е избран за нов претседател на Сојузот на композиторите на Македонија (СОКОМ), соопшти Сојузот. Тој доаѓа на местото на композиторката Валентина Велковска-Трајановска.

На седница на Собранието на СОКОМ избрано е и ново раководство. За претседател на претседателството на СОКОМ е избран композиторот Живојин Глишиќ, а во новиот состав со мандат од две години се композиторите Горан Начевски, Бојана Петровиќ-Алексова и Борис Светиев, како и музиколозите Ангелина Димоска- Миташева, Мирјана Павловска-Шулајковска и Јана Коловска-Божовиќ.