Деканот на Градежнниот факултет на државниот универзитет „Свети Кирил и Методија“ Горан Марковски е кандидат за градоначалник на Град Скопје на граѓанската платформа „Независни заедно“ на претстојните локални избори. Кандидатурата на професорот Марковски е поддржана од граѓанските иницијативи на „Шанса за Центар“, „Зелените за Гази Баба“ и „Групација 389“.

„Професор д-р Горан Марковски е истакнат интелектуалец и борец за безбедно и убаво Скопје. Заедно да му дадеме шанса на градот, шанса да го водат стручни лица со храбро лидерство и визија за поубав град по мерка на човекот“, велат од „Независни заедно“.

Марковски утре (среда) на прес-конференција пред Камениот мост ќе ја објави својата кандидатура за градоначалник.

Досега кандидатура за градоначалник на Град Скопје објави ВМРО-ДПМНЕ, СДСМ и Левица. Кандидат на ВМРО-ДПМНЕ е актуелниот градоначалник на Кисела Вода Орце Ѓорѓиевски, на СДСМ поранешната министерска за животна средина Каја Шукова, а на Левица пратеникот Амар Мециновиќ.

• КЛАСИЧНА ИНЖЕНЕРСКА ПРОСТИТУЦИЈА НИ СЕ СЛУЧУВА ВО УРБАНИСТИЧКОТО ПЛАНИРАЊЕ, ВЕЛИ ДЕКАНОТ НА ГРАДЕЖЕН ФАКУЛТЕТ ГОРАН МАРКОВСКИ

• МОСТОВИТЕ ВО СКОПЈЕ НЕ СЕ ВО КРИТИЧНА СОСТОЈБА ЗА ДА ПАДНАТ КАКО ВО ЏЕНОВА, НО НЕ ЗНАЕМЕ ДАЛИ СЕ ПОД НАДЗОР, ВЕЛИ ПРОФЕСОР ГОРАН МАРКОВСКИ

• НЕ СЕ НАПРАВЕНИ СИТЕ ПОТРЕБНИ ИСПИТУВАЊА НА МОСТОТ „БЕЛАСИЦА“, ВЕЛИ ДЕКАНОТ НА ГРАДЕЖЕН ФАКУЛТЕТ МАРКОВСКИ

А. АНТЕВСКА