Поранешниот претседател на украинскиот парламент, Андриј Парубиј, е убиен во Лвив, соопштија украинските власти.

Полицијата добила пријава за пукање во областа Франкивск во Лвив, западна Украина, околу пладне по локално време во сабота. Според непотврдени информации, во Парубиј повеќепати пукал напаѓач на електричен велосипед маскиран во курир.

Парубиј (54) се истакна како дел од украинското движење Мајдан, кое се залагаше за поблиски врски со Европската Унија и доведе до соборување на прорускиот претседател Виктор Јанукович во 2014 година.

Украинскиот претседател Володимир Зеленски го опиша атентатот како „страшно убиство“ и изрази сочувство.

„Министерот за внатрешни работи Игор Клименко и главниот обвинител Руслан Кравченко штотуку ме известија за првите познати околности на страшното убиство во Лвив. Андриј Парубиј е убиен. Мое сочувство до неговото семејство и пријателите. Сите потребни сили и средства се ангажирани за истрага и пронаоѓање на убиецот“, напиша Зеленски на Телеграм.