Владимир Путин ги нарече европските лидери „прасиња“ кои сакаа да профитираат од колапсот на Русија. Тој го обвини бившиот американски претседател Џо Бајден дека свесно почнал војна во Украина, а „европските прасиња“ веднаш ги поддржаа Американците.

„Европа сакаше да врати нешто што го изгубила во претходните историски периоди и да ѝ се одмазди на Русија, но овие планови целосно пропаднаа. Русија ја покажа својата стабилност во економијата, финансиите, внатрешнополитичката ситуација и во сферата на одбранбениот капацитет“, рече Путин.

Путин порача дека Русија е подготвена за дијалог со Европа, но дека тоа нема да биде можно со сегашната генерација европски политичари. Ја пофали руската војска, велејќи дека „никој во светот нема армија толку добра како руската“, која, згора на тоа, сега е искусна во војување.

Министерот за одбрана Андреј Белоусов рече дека задача за следната година е да се зголеми темпото на руската офанзива во Украина, додавајќи дека Русија потрошила 5,1% од бруто домашниот производ за војната во 2025.

„Русија ќе заземе уште украинска територија со сила ако Киев и европските политичари не ги прифатат американските предлози за мировен договор“, се закани Путин.