Тројца турски државјани кои лани му помагнале на пријателот од Турција при убиството на нивниот сонародник во Штип се осудени по 5 години затвор и по извршувањето на казната да бидат засекогаш протерани од Македонија без право на ново влегување во земјата. Основниот кривичен суд во Штип ги осуди Р. А., А. С. и О. Т. затоа што на 8 мај 2025 му помогнале на сонародникот К. К. (21) да побегне од кафулето во Штип каде смртно застрелал турски државјанин. Тој со помагачите биле фатени на автопатот Штип-Скопје кај наплатната рампа кај Миладиновци.

На претходно судење, убиецот на 13 јануари 2026 беше осуден на 17 години затвор и протерување од земјата по издржувањето на изречената казна.

Судот одлучи четвртообвинетата девојка во случајот, М. С. да биде осудена на три месеци затвор, а на еден од помагачите судски му се одзема и возилото со кое во бегство го превезувале сонародникот по убиството.

Т. ЈОВАНОВСКИ