Американскиот претседател Доналд Трамп упати закани за повлекување на американските трупи од Италија и Шпанија како дел од пошироката ревизија на военото присуство на САД во Европа.

Одговарајќи на новинарско прашање, тој изјави дека веројатно ќе размисли за ваков потег, поврзувајќи го со критиките на овие две земји за американската кампања во Иран.

Трамп вели дека Италија не била од никаква помош, додека Шпанија ја опиша како апсолутно ужасна.

Двете држави беа гласни против американските активности на Блискиот Исток, а американскиот претседател постојано ги напаѓаше нивните раководства поради одбивањето да се приклучат во конфликтот.

Италијанската премиерка Џорџа Мелони, која претходно беше близок сојузник, влезе во спор со американскиот претседател поради неподготвеноста на Рим да се вклучи во војната.

Трамп изјави дека на Мелони ѝ недостига храброст, а му пречеа и нејзините критики за неговите коментари за папата Лав. Таа исто така го забрани користењето на воздушната база во Сицилија за американските воени авиони кои пренесуваат оружје за војната во Иран. Оваа одлука следеше откако Соединетите Американски Држави не ја испочитуваа задолжителната процедура за авторизација.