Седумнаесетгодишник со сириско потекло е уапсен во Хамбург поради планови да изврши терористички напад, објавија властите. Јавното обвинителство на Хамбург кажа дека тој веројатно бил инспириран од Исламска држава.

Тинејџерот беше уапсен од специјалните сили, по истрагите водени од неколку сојузни агенции и локалната полиција.

Обвинителите кажаа дека тој планирал „да убива неверници“ и дека меѓу неговите мети биле трговски центар, бар и полициска станица.

„Тој планирал да користи нож, експлозиви или молотови коктели во нападот. Во неговиот стан се пронајдени неколку работи за подготовка на нападот“, соопшти обвинителството.