Волк е фатен на улицата Јуриј Гагарин во скопската населба Козле.

Во вторник доцна навечер граѓани од населбата пријавиле во полиција дека забележале волк како шета по булеварот Теодосиј Гологанов и веднаш пријавиле во полиција. Полицајците го фатиле волкот и го врзале за бандера на паркинг.

Како што велат за САКАМДАКАЖАМ.МК граѓани кои живеат во околните згради, волкот имал ланец долг 2 метри.

На улицата имаше осуммина полицајци кои ги оддалечуваа граѓаните да не му се приближуваат на волкот Рекоа дека е пријавено во Зоолошката градина од каде се чекаше екипа да дојде на местото.

Откако на лице место дојдоа екипи од Зоолошката градина и од Град Скопје, констатирано е дека станува збор за мелез од волк и куче.

„Животното било чувано во домашни услови, на него имаше ланец и така го фатиле полицајците. Мирно е, не е агресивно. Ќе се успие и однесе во Зоолошката градина, каде вечерта ќе ја помине во посебно живеалиште, а откако ќе му бидат направени сите прегледи ќе се премести во живеалиштата на волците“, ни рекоа од Град Скопје.

Пред полноќ волкот беше успан и транспортиран во Зоолошката градина.

Б. НЕСТОРОСКА