Археолозите веруваат дека откриле постара, многу поедноставна верзија на Стоунхенџ, на околу пет километри од праисторискиот споменик.

Од постарата структура останале само две дупки во земјата, но тимот вели дека тие држеле дрвени столбови кои биле во линија со Сонцето за време на летната и зимската краткоденица на ист начин како и Стоунхенџ. Се проценува дека локалитетот датира од пред 5.000 години, што е 500 години постаро од Стоунхенџ.

На локалитетот се пронајдени и артефакти, вклучувајќи грнчарија, алатки и животински коски, што укажува дека праисториските луѓе одржувале собири таму.

Фил Хардинг, кој го водеше ископувањето, рече дека тоа е едно од најдобрите откритија во неговата долга кариера.

„Две столба ми кажуваат многу за луѓето од пред 5.000 години. Ова ми кажува за целата заедница, за тоа како размислувале, како се однесувале, како ги почитувале небесата“, изјави Хардинг.

Структурата откриена во селото Балфорд била многу поедноставна конструкција од Стоунхенџ, составена од само два дрвени столба, кои одамна скапале. Тие биле поставени на растојание од 120 метри и се проценува дека биле високи меѓу 2 и 4 метри.