Жестокиот топлотен бран што го зафати поголемиот дел од Европа предизвика делумна забрана за алкохол во Франција, предупредувањана државно ниво во Германија и затворање на фудбалска навивачка зона во Шпанија, бидејќи температурите се искачија кон рекордни нивоа.

Франција очекува 35 од нејзините 96 региони денеска да прогласат црвени предупредувања за топлотен бран, со температури од 39 до 40 степени Целзиусови, што се очекуваат од југозапад преку парискиот регион до Бургундија, а некои области можеби ќе достигнат 41 Целзиусов степен.

По кризниот состанок, премиерот Себастијан Лекорну превентивно забрани пиење алкохол на денешните фестивали Фет де ла музик (Fete de la Musique) и други јавни настани што ќе се одржат во тие 35 региони. Сепак, властите во Париз наредија парковите да останат отворени 24 часа на ден.

Предупредувања за жега беа прогласени во поголемиот дел од Германија, со температури што се приближуваат до 38 степени Целзиусови. Метеоролошката служба предупреди дека комбинацијата од топлина и влажност може да предизвика силни грмотевици. Вон Алпите, температурите за кои се очекува да достигнат 36–37 степени Целзиусови го трансформираат секојдневниот живот и туризмот во некои италијански градови.

Научниците велат дека климатските промени ги прават топлотните бранови почести и поинтензивни низ цела Европа, зголемувајќи го ризикот од здравствени вонредни состојби и економски нарушувања во текот на летните месеци.