Доналд Трамп му нареди на својот министер за финансии Скот Бесент да ја прекине целата трговија со Шпанија, нарекувајќи ја ужасен партнер во НАТО. Тој кажа дека не сака никаков бизнис со Шпанија.

„Шпанија не се согласува со ништо, а вие не треба да ја носите. Тие не придонесуваат и не плаќаат“, му кажа Трамп на генералниот секретар на НАТО, Марк Руте.

„Не сакам да правам никаква трговија со нив, во ред? Дури и не разговарајте со нив“, порача Трамп, свртувајќи се кон Бесент, кој му одговори потврдно.

Трамп постојано изразуваше фрустрација од Шпанија, која не се согласи со новата цел на НАТО да се зголемат трошоците за одбрана на 5% од БДП и не им дозволи на САД да ги користат нејзините бази и воздушен простор за војната во Иран.

„Тие се безнадежни. Тие се лоши луѓе. Тие заработуваат толку многу пари од нас, но ќе се погрижиме да заработат многу помалку. Не сакам никаков бизнис со нив“, додаде Трамп.