Русија ја бомбардирала Украина со севернокорејски ракети ноќеска, според украинскиот претседател Володимир Зеленски. Во рускиот напад врз Запорожје загинаа шест лица, а најмалку 19 се повредени, изјави градоначалничката Рехина Харченко, додавајќи дека се оштетени осум згради.

Зеленски кажа дека градот бил погоден со севернокорејски балистички ракети, руски проектили „Циркон“ и со наведувани воздушни бомби.

„Тоа беше зол напад, чија цел беше да се нанесе максимална штета, особено врз цивилната инфраструктура“, рече Зеленски.

Тој претходно предупреди дека Северна Кореја се спрема да испрати до 50.000 војници во Русија.

„Двете земји соработуваат и претставуваат растечка закана, не само за Украина, туку и за соседите на Северна Кореја, како што се Јапонија и Јужна Кореја. Русија првпат не може да води војна без поддршка од Северна Кореја“, изјави Зеленски.

Покрај Запорожје, Русија ги нападна и Киев, Харкив, Херсон и Суми, додека Зеленски објави дека украинските дронови погодиле рафинерија во Орск, оддалечен 1.500 километри од фронтот.