Откако 12 години ја водеше Србија како претседател или премиер, Александар Вучиќ соопшти дека повторно ќе се кандидира за премиер на изборите на 25 октомври, додека илјадници поддржувачи на опозицијата маршираа во Белград. Вучиќ се соочи со речиси две години постојани протести по трагедијата на железничката станица во Нови Сад, во која загинаа 16 луѓе и уште во јуни најави дека ќе поднесе оставка.

„На 27 септември ќе поднесам оставка од претседателската функција. Таа вечер ќе ѝ се обратам на нацијата и ќе им се заблагодарам на луѓето за поддршката. Најдолго бев претседател на Србија, а потоа станувам обичен граѓанин. Си набавив камионче, имам свој автомобил, набавив и некоја камп-приколка и ќе обиколувам села и урбани места. Ќе ги посетам најоддалечените села во Србија“, кажа Вучиќ, додавајќи дека очекува убедлива победа на изборите од над 50% гласови.

Додека тој збореше на телевизијата „Пинк“, во центарот на Белград се собраа илјадници луѓе за да ги поддржат парламентарните кандидати од „Студентска листа – студентите победуваат“. Листата ја предводи кардиологот и универзитетски професор Илија Срдановиќ.

Некои опозициски партии, како Демократска партија и Движењето Тргни-промени, кажаа дека ќе го поддржат студентското движење и нема да излезат со свои кандидати.