Владата на Етиопија и групата која управува со северниот регион Тиграј меѓусебно се обвинуваат за започнување воени офанзиви, што ги зголемува стравувањата од враќање на конфликт од целосни размери.

Гетачев Реда, министер во владата и советник на етиопскиот премиер, изјави дека борците од Тиграј презеле контрола врз аеродромите во Тиграј кои се под федерална управа и започнале офанзиви во соседните региони Афар и Амхара. Претходно, властите во Тиграј соопштија дека нивните сили биле принудени да влезат во одбранбена војна.

Двегодишната војна во Тиграј заврши во 2022 година, но во последните месеци двете страни меѓусебно се обвинуваат за кршење на мировниот договор. Тоа беше еден од најсмртоносните конфликти во овој век, во кој загинаа околу 600.000 луѓе, а борбите го доведоа регионот до работ на глад.

Во неделата, Народниот фронт за ослободување на Тиграј, кој управува со регионот, објави формирање на сојуз со шест други вооружени групи во Етиопија со цел соборување на владата во Адис Абеба.