Неодамна претставениот портрет од поранешната германска канцеларка Ангела Меркел ќе биде изложен подолго од првично планираното поради големиот интерес, соопшти берлинскиот музеј кој го изложува уметничкото дело. Откако портретот беше изложен на 1 јули, бројот на посетители нагло се зголемил, според музејот „Боде“ во центарот на Берлин.

Сликата првично требаше да биде изложена до 4 октомври, но ќе остане во музејот до 3 јануари 2027, соопшти музејот.

Портретот го наслика младиот француско-германски уметник Жереми Кејрас, кој поднел рачно напишана апликација до Меркел во 2022 година. Сликата ја прикажува Меркел како носи светлосино сако на златно-кафеава позадина.

Меркел треба да го посети музејот на 4 октомври и ќе биде достапна да потпишува разгледници со портретот.