Неколку часа откако Португалија загуби во полуфиналето на Купот на конфедерациите во Русија, капитенот на португалската репрезентација Кристијано Роналдо објави дека му се родиле две близначиња.

Со денови португалските медиуми објавуваа дека неговите близнаци се од сурогат мајка во САД, но, дури откако Португалија беше елиминирана на пенали од Чиле, тој го потврди раѓањето на близнаците.
Роналдо на Фејсбук напиша: „Многу сум среќен што конечно ќе можам да бидам со моите деца за прв пат“.
Тој веќе има син Кристијано Роналдо Јуниор, кој беше роден во 2010 година во јуни.

Напаѓачот на Реал Мадрид ја почна пораката, велејќи дека тој бил со тимот „со тело и душа“ без оглед на раѓањето на близнаците, додавајќи дека „за жал, не успеал да ја постигне главната спортска цел“.