Македонските каратисти се враќаат со два златни и еден сребрен медал од Европското универзитетско првенство, кое што се одржа во Куимбра, Португалија.

Петар Заборски, каратист на „Макпетрол’ и студент на Битолскиот универзитет Факултет за Безбедност во Скопје во финалето во категоријата до 75 килограми го победи домашниот натпреварувач Пина Родриго Мачедо со 2:1.

Сара Радичевска, исто така, од „Макпетрол“ и студентка на Филолошки факултет во Скопје, во финалната борба во категоријата до 59 килограми ја победи Португалката Леал Сара со 8:0 пред истекот на времето.

Женскиот тим во борби го освои сребрениот медал, откако во финалето загуби од Финска.