Пратениците по разрешувањето на државниот обвинител Марко Зврлевски си заминаа од Собранието и од утре официјално се на одмор. Со оглед на тоа дека на 28 август е празникот Голема Богородица, а на 1 септември Курбан Бајрам, што подразбира два неработни дена, првиот работен ден на пратениците ќе им биде на 4 септември, изјави за САКАМДАКАЖАМ.МК претседателот на Собранието Талат Џафери.

Џафери ќе биде на работа и утре, но и на крајот на август, поради организација на активностите за собраниските седници кои почнуваат веднаш по колективниот одмор на Собранието. На 29 и 30 август ќе заседаваат и собраниските комисии во врска со точките на дневен ред на седниците на почетокот на септември.

С. К. ДЕЛЕВСКА